(Update) KALIBO, Aklan–– Mainit nga ginsug-aeaw it mga Aeta si His Excellency Most Reverend Gabrielle Giordano Caccia, Papal Nuncio to the Philippines sa pag-abot kara sa Ati Community Village sa isla it Boracay.
Naghaead it pangamuyo ag pasidungog ro mga katutubo sa Apostolic Nuncio sa matag-od nga programa nga programang anda nga ginpahaom.
Sa mensahe it Papal Nuncio, gusto kara nga maghugpong ro tanan bangud raya sigon ro pamaagi sa pagpaeapta it kalinungan sa kalibutan.
Samtang, ginkalipay man it mga madre ag kaparian it Our Lady of the Most Holy Roasry Parish ro anang pagbisita kapin eon kat gin-adtunan kara ro grotto it sikat nga Boracay Rock ag ginhaearan it pangamuyo ro imahe ni Birheng Maria.
Nasayuran nga antes nagpadueong ro Papal Nuncio sa nasambitang isla hay nakipagdayalogo anay raya sa libu-libong pamatan-on sa St. John the Baptist Cathedral sa banwa it Kalibo.
