-- ADVERTISEMENT --
KALIBO, Aklan–Nagapati si Bombo International Correspondent Betsy Relente-Naipul it Canada nga sangka mabahoe nga papel ag responsibilidad ro pagiging sangka ina.
Raya hay bangud nga nakadepende sa values nga ginturo it ginikanan ro magiging ugali it sangka unga.
Nagapasaeamat sigon imaw nga nagbahoe nga may respito ag sweet ro anang naga-isaeahanon nga unga.
Haeos adlaw-adlaw sigon nga ginapabatyag kana ro pagiging espesyal kamana man nga nagahimo raya it effort kada may okasyon kapareho it Mother’s Day.
Sa kamatuoran suno kana hay ginsurpresa imaw it anang unga pinaagi sa pagbakae it anang paborito nga lobster ag roses.//Raya sigon nga mga simplemeng bagay hay may mabahoe nga kahueogan kanda nga mga ina.
-- ADVERTISEMENT --
