Padayun ro isyu sa pagsuksok it face mask.
Kapareho ni Cebu Governor Gwen Garcia, nagapati man si Presidential Adviser for Entrepreneurship Joey Concepcion nga indi eon kinahangean ro mandatoryong pagsuksok it face mask kon sa guwa it baeay ukon outdoors.
Suno kana nga dapat nga pasugtan eon ro local government units (LGUs) nga magdesisyon sa nasambit nga isyu.
Sa pihak kara, ginpamilit it Department of the Interior and Local Government (DILG) nga ginapatuman sa gihapon it National Government ro mandatoryong pagsuksok it face mask sa tunga it COVID-19 pandemic.
Rason nga padayon ro pagkompronta sa mga violators ag kun kinahangean nga sanda hay arestuhon bangud sa owa pagsunod sa mandu hay paga-obrahon it kapulisan.
Sa tunga it naga-banggi-anay nga bato, kita bilang mga pumueuyu ro magadesisyon kon ano baea ro eubus nga makapamayad para sa kaugalingon ag eabi eon sa atong pamilya.
Nagtaas eon man ro kaso it COVID-19 nga nagakahueugan nga una pa sa palibot ro virus.
Dumdumon naton ro mga nasyon nga pagkatapos nga magbo-oe it face mask hay gulping nagka-COVID surge.
Isipon naton kon ano ro mas makapamayad ag mas eowas.
Mabudlay nga makipagsapalaran ag maghinoesoe sa ulihi.
