Nahimo nga saka-on it sangka paralisadong eaeaki ro skyscraper sa London pinaagi sa bulig it robotic exoskeleton nga imaw ro rason agud nga uman imaw nga kilaeahon it Guinness Book of World Records.
Ginkilaea si Simon Kindleysides, nga naduea-an it ikasarang nga magtikang bangud sa anang tumor sa utok nga indi pwedeng operahan.
Sa pihak kara, owa naging sabeag ro anang kapansanan ag pinaagi sa robotic exoskeleton, ginsaka nana ro alipunto it 51-panaegan nga Leadenhall Building sa sueod it an-um nga oras ag 16 minuto.
Si Kindleysides hay dati eon nga nakabo-oe it Guinness Record ko 2018, kat nagpasakop ima sa Virgin Money London Marathon ag naangkon ro titulo para sa pinakamadasig nga distansya it marathon samtang gamit ro sangka robotic walking device.
Samtang, plano man ni Kindleysides nga magpasakop sa London Marathon makaron nga dag-on ag nagaeaum nga maeampasan ro kaugalingon nana nga record nga 36 oras ag 46 minuto.
