Partial voter turnout para sa overseas voting, naga-abot eon sa 23% – Comelec

Masobra 380,000 nga Pinoy eon sa ibang nasyon ro nakaboto suno sa Comission on Elections (Comelec).

Suno kay Comelec Commissioner Marlon Casquejo, katumbas raya it 23 percent nga partial turnout para sa overseas voting.

Kasunod kara, ginpahayag it Commisioner nga manami sigon raya nga turnout para sa overseas voting bangud halin sa 1,697,130 overseas voters hay kapin sa 385,437 eon ro nakaboto.

Bangud kara, posible sigon nga maeampasan ro voter turnout ko 2016 nga 32 percent.

Dugang pa ni Casquejo kapin sa 56,550 sigon nga mga botante ro nakaboto eon sa America; 139,041 sa Asia Pacific; 41,719 sa Europe ag 148,127 sa Middle East ag Africa.

Mabahoe nga bagay sigon ro vote anywhere nga konsepto it komisyon rason nga maabu nga mga OFW ro nakaboto.