KALIBO, Aklan – – – Music is Life.
Raya ro ginpamatud-an it sangka partially blind nga Grade 12 student it Kalibo Integrated Special Education Center (KISEC) matapos nga napaumwad ro anang kaugalingon pamaagi sa musika sa pihak it anang kapansanan kasunod ko pagselebrar it Children’s Week makaron nga buean it Enero.
Si Adrei Kyan Condez, tubong Pandan, Antique hay nakaangkon it cornea transplant kat imaw hay pitong buean pa eamang apang ko ulihi hay naka-angkon raya it komplikasyon rason nga inde raya makakita it husto.
Apang sa anang determinasyon ag pagiging positibo sa tanan nga bagay, nangin passion kara ro musika ag ko ulihi hay naging musician ag naimbitahan agud nga magperform sa ibang lugar partikular sa nasyong Japan.
Napabilib it persons with disabilities student ro sikat nga musikero ag professor sa Japan ag bilang pasaeamat hay ginregaluhan sigon raya it instrumento.
Nauna eon nga na-feature si Andrei sa daywa ka mga maeagko nga TV network iya sa Pilipinas bangud sa anang extraordinary talent nga nakapahanga ag nakapabilib bukon eamang it sa mga Pinoy kundi maging sa mga bisitang turista.
