KALIBO, Aklan—Agud nga mas maprotektahan ro kinamatarong it mga kababayin-an, importante nga makaangkon it partisipasyon ro mga kaeaeakin-an.
Suno kay Mr. Paul Adrian Pelayo, Gender and Development Officer ag miyembro it Men Opposing to Violence Against Women and Children nga tuyo it andang organisasyon nga makaangkon it patas nga pagtratar sa bahin it babayi ag eaeaki.
Ginaduso man sigon nanda ro pagkaangkon it patas nga layi sa anuman nga klase it kasarian.
Samtang, may padumdom man raya sa publiko makarun nga buean it Marso kun sa siin ginaselebrar ro Women’s Month.
Una kara, importante sigon nga makangkon it maayos nga relasyon sa pamilya.
Samtang sa mga kaeaeakin-an man hay dapat nga likawan ro anuman nga klase it pagpang-abuso sa mga babayi.
