Gina-ekspektar eon it sangka political analyst ro matabo nga pasabog sa sesyon it Senado kahapon.
Suno kay Prof. Ramon Beleno III, sangka political analyst bangud nga makaron eon lang ro ulihing adlaw it sesyon, gina-ekspektar eon ro pag-hana nga bayluhan ro liderato.
Ro naging pinaka-tuyo sigon it sesyon hay ro pagbalo it committee leadership bangud nga indi nanda basta basta nga mabayluhan ro Senate Leadership bangud klaro nga kinahangean gid kara it 13 ka mga boto.
Apang ro grabe nga kutana hay kun sin-o ro magatindog bilang presiding judge sa paaeabuton nga impeachment trial sa Hulyo 6 bangud nga ro masunod nga sesyon eon it senado hay sa mismong adlaw it SONA it Pangueo sa paaeabuton nga Hulyo 27.
Sa ana sigon nga kaugalingon nga panan-awan, maga-angkon it grabe nga negosasyon pag-abot it Hulyo 27 kun sino rom aga-pungko bilang senate president. Indi eon man sigon imaw makibot kun mabayluhan si Senate President Alan Peter Cayetano bangud nga pag-umpisa it SONA.
Dugang pa kara, may epekto raya sa magatuhaw nga impeachment trial bangud nga sa pag-aeagawan paeang sa pwesto hay makita eon ro tuyo nga tumuron ro tone ag mood kun anong mga ebindensya ro paga-batunon ag indi.
