KALIBO,Aklan–Kinahang-ean nga magbaeon it sinako nga pasensya, tyaga ag pakisama kon may plano nga magtrabaho sa barko ukon magiging seafarers ukon seaman.
Raya ro gin-aywan nga mensahe ni Jhonel Pabular Sanghayon, snagka seafarer, tubong banwa it Altavas kasunod sa pagselebrar it Seafarers day makaron nga Hunyo 25.
Suno kana, kinahang-ean ro tyaga sa raya nga trabaho ag lakas it loob eabi eon kon bag-uhon pa eamang sa makaraya nga kaso it trabaho.
Ko una sigon hay may pagduda man imaw sa anang kaugalingon apang nagpabaskog it boot kana ro anang pamilya agud nga makabulig sa anang mga igmanghod.
Raya ro naging motibasyon ni Sanghayon rason nga pilang ka barko eon ro ana nga nasampahan ag kapin sa 20 ka mga nasyon eon ro anang naadtunan.
Nasayuran nga ro mga seafarers hay may mabahoe nga ambag sa ekonomiya it nasyon.
