KALIBO, Aklan — Sa kauna-unahan nga kahigyunan, pagahiwaton sa Aklan ro seremonya nga “Pasidungog 2019” it Civil Service Commission ukon CSC sa Kalibo Municipal Hall, Biyernes it agahon.
Suno kay CSC-Aklan provincial director Evelyn Ejar nga raya hay pagatambungan it andang regional director, assistant regional director ag iba pang opisyal it CSC Region 6.
Pagakilaeahon sigon sa nasambit nga event ro mga indibidwal ag organisasyon nga naging kabulig it nasambit nga ahensiya.
Ro recognition program hay sambilog sa mga aktibidad kadungan sa andang selebrasyon it 119th foundation anniversary ko buean it Setyembre.
Samtang, matapos ro seremonya hay magaderetso ro mga opisyal it CSC Region 6 sa isla it Boracay para sa pagahiwaton nga family day, team building ag coastal clean-up.
