Ginpaathag ni Kalibo sangguniang bayan member Ronald Marte nga ro pasilidad nga Baeay Pagbag-o it Kalibo ukon BPK hay para sa mga drug surrenderree nga may tyansa pang magbag-o pinaagi sa pagpaidaeom kanda sa rehabilitation.
Bukas suno kana ro pasilidad nga makit-an sa Brgy. Nalook para sa mga indibidwal nga bukon pa it malala ro ginabatyag bangud sa pagsamit-samit it illegal nga droga.
Igamonitor sigon ro mga raya it natungdan nga ahensya it gobyerno nga makabulig sa andang pagbag-o.
Madumduman nga ro nasambit nga pasilidad hay natuman pinaagi man sa pondo nga P5 milyon pesos maghalin sa Dangerous Drugs Board ukon DDB ag gindugangan it lokal nga gobyerno it Kalibo.
Raya hay ginakabig nga Community Based Treatment and Rehabilitation Center para sa mga tawo nga may pagbag-o ag maayos pa ro andang kabuhi nga nauyang bangud sa illegal nga aktibidad.
Nauna eon nga gindayaw ni Undersecretary Earl Saavedra, executive director it DDB ro naging inisyatibo it LGU nga makapatindog it kaparehas kara nga pasilidad.
Suno kana, raya ro unang Community Based Treatment and Rehabilitation Center nga gin-inagurahan makaron nga dag-on.
