KALIBO, Aklan—Maabu nga mga Africans ro gustong-gusto nga nagaselebrar it Paskwa sa pihak nga raya hay konsepto it mga taga-western countries.
Suno kay Bombo International Correspondent Gaspar De Juan it Rwanda, East Africa nga sa pangkabilugan , raya ro pinaka-importante nga tiempo it dag-on bangud nga mayoriya sa andang lugar hay mga romano katoliko.
Apang kaeabanan raya nga ginapatigayon kada petsa 26 it Disyembre.
Ginpahayag dugang nga hilig man it mga taga Africa ro mag selebrar it paskwa bangud nga gusto nanda ro mga party.
Maabu man ro mga customers sa mga malls ag iba pang baealigyaan kada Christmas Eve.
Ro pag-greet suno kana it merry Christmas sa Rwanda hay Noheli nziza.
Masako man sanda nga naga-decorate it mga Santa Claus, nagapatigayon it mga caroling, kun sa siin ko ulihi hay masyado eon nga naging commercialized ro selebrasyon idtu.
Suno pa kay Gaspar nga ro mga nagkaeain-eain nga shops hay nagabutang it mga Christmas trees ag iba pang Christmas goodies.
Apang ko ulihi hay ginlimitahan it gobyerno ro pagputoe it pine trees agud nga obrahon nga Christmas trees.
Ginapa-practice sigon sa mga taga Rwanda nga magtanum agud nga may putueon ukon iga-harvest sa ulihi.
Bangud kara, nagakinahanegan it permit sa pagputoe.
Sa pihak nga parte, mabatyagan ro espiritu it paskwa sa East Africa kon makakita it mga pulis nga nakakalhit sa mga daeanon ag naga laygay sa publiko nga magdahan sa andang kabuhi ag kagamitan kasunod it pagtaas it krimen.
Tiempo man sigon ro paskwa para sa family reunion.
Sa pihak nga parte, exchange gift sa pilipinas hay ginatawag nga Boxing Day idtu.
Raya hay sangka public holiday.
Mag-eowas sa pagbaeayluhan it regalo, tiempo man raya it inugpahuway bangud sa nabatyagan nga hang over sa waea tuo nga selebrasyon.
Matapos sigon ro paskwa , dikara pa eamang na-realize it mga pumueuyu nga gulping naduea ro mga mabahoe nga kantidad it andang kwarta.
