KALIBO, Aklan—Kaparehas sa Pilipinas, ro nasyon it Serbia hay nagaselebrar man it paskwa apang raya hay ginahiwat kada Enero 7.
Suno kay Bombo International Correspondent Karyn Pearl Orbista-Oriada, tubong banwa it Libacao apang presenteng nagatrabaho sa Belgrade, Serbia, mabatyagan eon ro paskwa sa nasambit nga nasyon bangud sa temperatura nga maeamig kamana man makit-an ro pila ka mga christmas tree sa maeagkuan nga banwa ag syudad.
May nakasab-it man nga mga lanterns sa mga nagapangunang daeanon it syudad.
Samtang, uwa it mga onga nga nagapangaroling apang nagapamaskwa ro mga raya ag pagkaon ro ginata-o it kada panimaeay.
Uso man sa mga Serbian ro pagta-o it regalo sa miyembro it pamilya kon sa siin pagkatapos kara hay ginasaeohan it mga raya ro simple eamang nanda nga handa.
Sa pihak nga parte, Orthodox church ro may una sa Serbia apang ro mga Christians hay nagapatigayon man it midnyt masses agud nga mabatyagan ro Christmas eve apang kada Enero 6 raya napatigayon.
