KALIBO, Aklan—Kaparehas sa nasyon it Pilipinas, ro Colombia hay uwa man gapaulihi pag-abot sa selebrasyon it paskwa.
Suno kay Bombo International Correspondent Razil Catuto Modesto it Bogota, Colombia, buean pa eamang it Nobyembre hay nagapahaom eon ro mga christian Colombians it Christmas decorations kaparehas sa pagbutang it christmas tree ag pagkabit it mga makolor nga christmas lights.
Ginpahayag dugang ni Modesto nga may fireworks display man ro mga raya bilang kaparte it andang masinadyahon nga selebrasyon.
Ro paskwa sa Colombia hay naga-umpisa it Disyembre 7 it gabi-e kon sa Pilipinas hay bisperas it kapyestahan ni Immaculate Concepcion ag ginatawag raya it mga Colombians nga Noche dela veritas.
Nagasindi sigon sanda it kandila ag nagahanda it maabong pagkaon sa lamesa agud nga may pagsaeohan ro bilog nga pamilya.
