KALIBO, Aklan—Sa pihak it pagpamilit it gobyerno it China nga eubusang mapaidaeom sa andang pagpamalakad ro rehiyon kara nga Hong Kong, hugot man ro pagpamalibad ko gobyerno it rehiyon bangud sa kahilwayan nga andang ginakaangkon makaron.
Suno kay Bombo International Correspondent Jacky Torate, tubong banwa it Makato apang presenteng nagatrabaho sa Kowloon, Hong Kong nga bilang kristyano hay kada dag-on nanda ginaobserba ro selebrasyon it paskwa.
Ro Hong Kong suno kana hay mabahoe ro pagrespeto sa nagkaeain-eain nga lahi rason nga ro paskwa sa nasambit nga rehiyon hay hilway raya nga ginaselebrar it mga Pilipino.
Ginpahayag dugang ni Torate nga kaparehas sa Pilipinas hay mabatyagan eon ro espiritu it paskwa bangud sa mga dekorasyon nga nakakalhit ag ro mga shopping malls hay nagapatigayon it mga sale ag sa night market hay pwede ka kaayo sa gusto mo nga presyo.
Samtang, winter ukon tag-eaeamig makaron sa Hong Kong rason nga ro mga pagkaon nga masaming ginahanda kada paskwa hay ro mga pagkaon nga may sabaw nga mainit-init pa.
Ro mga overseas filipino workers sa nasambit nga rehiyon hay nagapatigayun it Christmas party ag saeo-saeo para mapabilin ro kasadya ag espirtu it Paskwa.
