KALIBO, Aklan—Kaeabanan nga mga pinoy ro nagpakilaea it paskwa sa nasyong Cambodia.
Raya ro ginpahayag ni Bombo International Correspondent Krista Maravilla it Phnom Penh, Cambodia.
Suno kana nga ro mga Cambodians hay owa nagaselebrar it holiday kapareho it paskwa bangud nga ro nagapangunang relihiyon idtu hay Buddhism.
Ro matsa paskwa nanda hay ro ginatawag nga Vesak.
Ro nasambit nga selebrasyon hay ginapatigayon kada Mayo ukon Hunyo nga senyales it pagtuhaw it full moon.
Ginasaueog kara ro kaadlawan ni Buddha kamana man ro anang kamatayon.
Sa pihak nga parte, gindugang pa ni Maravilla nga makaron hay naka intigo eon ro mga inunga sa Cambodia nga magdekorar it parol, santa claus ag Christmas lights sa sueod it andang mga classroom kamana man ro pagpatigayon it mga Christmas party ag gift-giving.
Apang raya tanan hay gina enjoy eamang nanda sa eskwelahan bangud nga bawae ro magselebrar kara sa andang baeay.
Makabakae sigon makaron sa nasambit nga nasyon ro santa clothes, gowns, costumes , Christmas wrapper nga kaeabanan nga ginasuksok sa Christmas party.
Nagapabilin suno kana nga normal nga adlaw ro December 25 sa Cambodia ag ro mga unga eamang ro naga-enjoy.
