Bangud nga kaabuan sa mga Libyans hay Muslim rason nga ro selebrasyon it Paskwa hay bukon it masyadong common.
Suno kay bombo international correspondent Rexel Lachica Abad it Libya nga ro pinakamaeapit nga holiday sa Paskwa nga ginaselebrar it mga taga-Libya hay ro anibersaryo it Libyan independence kada Disyembre 24.
Nagasaeo-saeo sigon kara ro mga tumandok idtu , apang separado ro babaye ag eaeaki ag pinamilya eamang ro imbitado.
Sa pihak nga parte, ginaselebrar man suno kana ro Christmas sa Libya it mga Kristiyano nga naga-istar ag nagatrabaho sa nasambit nga nasyon .
Kapareho nanda nga mga Pinoy nga nagatipon-tipon ag nagakantahan kada paskwa.
Maskin masubo bangud nga maeayo sa pamilya, mabahoe nga bulig ro makabag-ong teknolohiya sa pag angkon it komunikasyon kanda.
Ginpahayag dugang ni abad nga maskin nga low-key event ro paskwa sa nasambit nga nasyon , may mga nagabutang man it dekorasyon eabi eon sa mga mabahoe nga siyudad it Tripoli ag Benghazi.
May mga establisimento man nga patago ro pagbaligya it mga dekorasyon ag regalong pang paskwa bangud nga eabag raya sa andang laye.
