TANGALAN, Aklan—Passable eon sa tanan nga klase it saeakyan ro national highway nga sakop it Barangay Jawili, Tangalan matapos nga nakaangkon it rock and landslide ko nagtaliwan nga Sabado it gabie.
Suno kay P/Lt. Ronald Macario, hepe it Tangalan Municipal Police Station nga sa bulig it Department of Public Works and Highways ukon DPWH hay natigayon nga nalimpyuhan ro lugar nga nauna eon nga temporaryong ginsarado para sa mga byahero agud nga masigurado ro andang kaeowasan.
Maeagkong bato ro nagkaeahueog ag narumpag nga eogta sa national highway rason nga ginpakamayad nanda nga temporaryong saraduhon ro lugar ag gindivert ro aeagyan it mga saeakyan.
Ginatan-aw nga bangud sa sigidas nga pag-inuean ko mga nagtaliwan nga inadlaw hay posibleng naghumok ro eogta ag nag-uga ro mga bato nga gintunaan it pagkahugos it mga raya.
Sa makaron hay eowas eon nga mag-agi sa nasambit nga lugar matapos ro clearing operations nga ginpatigayon it DPWH Aklan.
