Naaresto eon si Kingdom of Jesus Christ Pastor Apollo Quiboloy ag buyot eon raya it mga disipulo it laye. Suno kay Department of Interior and Local Government (DILG) Secretary Benhur Abalos, ginahimo eon ro nagakaigo nga proseso it mga otoridad. Matandaan nga daywang dominggo eon nga gin-inusoy raya sa KOJC compound para isirbi ro warrant of arrest nga gin dihon it Pasig City Reginal Trial Court. Matatandaan nga ko June 2024 unang ginsirbi ro warrants para kay Quiboloy sa nagkaeain-eain nga KOJC properties, apang uwa makita ro pastor.
Ko July 2024, nag eaan it reward nga ₱10 million para sa makaturo it insaktong lokasyon ko nasambitan nga religious leader. August 2024 man kat magpaguwa ro Court of Appeals it freeze order para sa mga bank accounts kara, kaibahan eon ro pilang properties, saeakyan ag aircraft. Ko unang dominggo it September 2024, gihambae ni Atty. Israelito Torreon nga nagpanaw si Quiboloy sa KOJC compound ko March 2024, apang uwa gintantanan it Philippine National Police ro pag-usoy sa pastor.
Umabot pa raya sa pagkutkot hasta sa nagakaeain- eain nga parte it 30 ektaryang eogta sa mismong Compound. Madumduman nga ko buean it Marso, ro Senado hay nag sihon it arrest order kuntra kay Quiboloy bangod sa uwa raya magsipot sa multiple senate hearings sa ginaaligar nga cases it rape ag human trafficking nga eabag sa KOJC. Ko Buean it Abril ro Davao court hay nagpaguwa it warrant of arrest kuntra kay Quiboloy nga over charges of child abuse.
Makaron nagapangidaeom sa booking process si Kingdom of Jesus Christ Pastor Apollo Quiboloy, ag co-accused kara nga sanday Jackielyn Roy, Ingrid Canada, Cresente Canada ag Sylvia Cemañes. Ginhimo ro pagbuoe it fingerprints ag mug shots kat umabot ro mga raya sa Camp Crame, Quezon City. Suno kay PNP Spokesperson Col. Jean Fajardo, ginbue-an man it blood pressure sanday Quiboloy ag pila kara kanda hay nasayuran nga sa mataas ro presyon. Nabuoe man ro custody nanda around 5:30 PM. Mga bandang 6:30 PM hay gindaea raya halin sa Davao paadto sa Villamor, nag eapag ro C-130 around 8:30 PM ag naka abot raya sa Custodial Facility it around 9:10 PM suno kay Fajardo. Ro naging pag surrender hay bangod sigon sa joint effort it PNP ag AFP.
