(UPDATE) NATIONAL News — Naka-stand-by ro sangkaterbang pulis sa guwa it Kingdom of Jesus Christ (KOJC) compound sa Buhangin, Davao City samtang nga gina-raid it iba pa nanda nga kaibahan ag SWAT team ro nasambit nga lugar.
Nauna kara, ginhinyu it Police Regional Office (PRO) XI ro pag-intindi it mga myembro it Kingdom of Jesus Christ (KOJC) bangud nga kinahangean nga obrahon it Philippine National Police ro andang trabaho sa pag-usoy kay Pastor Apollo Quiboloy agud nga mai-serbe ro arrest warrant kontra kana.
Suno kay PRO XI Spokesperson Police Major Catherine Dela Rey mas mayad kon maging cooperative ro KOJC sa pagbaton sa mga pulis bangud owa sanda naila nga may masakitan pa sa andang mga miyembro.
Madumduman nga pila sa mga tagasunod ni Pastor Quiboloy hay naninahan sa ginpatigayon nga operasyon it mga awtoridad.
Suno kay Torre, kumpiyansa sanda nga maaresto ro ‘self proclaimed appointed son of God’ bangud nagapabilin ro andang pagpati nga una eamang raya sa sueod it 30 ektarya nga compound nagapanago.
