KALIBO, Aklan — Agud magapabilin nga handumanan, ginpreserba it tag-iya ro patay nga eawas it tiyo nga “cyclops” ag gindisplay sa sueod it andang panimaeay sa Barangay Tagas, Tangalan, Aklan.
Suno kay Amie de Martin, matapos turukan it formalin hay ginbutang nanda ro tiyo sa sangka garapon sa pageaom nga magadaea raya it swerte sa pamilya.
Nauna kara, ginkaguluhan sa lugar ro nasambitang tiyo matapos gintawo nga may sambilog nga mata sa tunga it anang itsura nga medyo “cyclops”, owa it ilong ag medyo may daywang baba.
Ro tiyo hay may magkahalong lahi it Aspin ag Japanese Spitz, kung sa siin sambilog raya sa an-om nga tiyo it anang ina nga gin-unga ko Pebrero 6 bandang alas-10:00 it gabi-e.
Bangud sa anang kondisyon, gilayon man nga namatay ro nasambitang tiyo matapos nga gintawo.
Samtang, gin-eksplekar man it Office of the Provincial Veterinarian nga may abnormalidad sa pagdevelop kara samtang gina-nabdos it anang ina.
Imposible man sigon nga mabuhi it mabuhay ro mga gina-unga nga cyclops puppy.
