Kalibo Aklan——-Patay eun kat makaabot sa Aklan Provincial Hospital ro sangka 18 anyos nga eaeaki matapos bungguan ag sagasaon it sangka motorsiklo bandang alas 7:30 kabi-e sa Cabayugan, Malinao.
Ginkilaea it Malinao PNP ro biktima nga si Deonard Seman samtang ro suspek hay ginkilaea kay Rey Isuga ag parehong residente it nasambitan nga lugar.
Ginapahayag nga nagakatueog sa Barangay road nga sakop it lugar ro biktima kung sa siin pag-agi it suspek ag driver it motorsiklo hay owa nana raya napan-uhan ag aksidenteng nasagasa-an.
Nakaangkon it fatal nga lastro sa u-eo ag leog ro biktima nga naging rason it hinali nga kamatayon.
Samtang ro suspek hay nakataeanang pagapasakaan it kasong Reckless Imprudence Resulting to Homicide para sa nagakaigo nga disposisyon.
