Kalibo Aklan — Patay ro sangka motorista matapos nga bumunggo ro ginamanehong motorsiklo sa kasubeang nga tricycle sa Brgy. Naisud Ibajay.
Ginkilaea ni PSSGT. Ian Sastre it Ibajay PNP ro biktima nga si Earl Jude Barrera Iguin, 22 anyos ag residente it Brgy. Tamalagon, Tangalan .
Samtang ro suspek nga nagamaneho it traysikel hay ginkilaea kay Raul Oren Robles, 57 anyos residente it Brgy. Regador, Ibajay.
Base sa report, maghalin ro biktima sa andang baeay ag paadto kungta sa anang trabaho kat matabo ro aksidente.
Ginpahayag dugang nga nag-overtake sigon si Iguin sa saeakyang una sa anang prenti ag aksidenteng bumunggo sa kasubeang nga trysikel.
Sa baskog it pagkabunggo hay inapok raya sa ginasakyang motorsiklo ag nakaangkon it lastro sa ueo nga nangin rason it hinali nga kamatayon.
Ro suspek hay gilayon man nga gindaea sa ospital matapos makaangkon it pilang ka mga lastro sa kaeawasan.
Ssa makarun hay nagapadayun pa ro imbestigasyon it Ibajay PNP para sa nagakaigo nga disposiyon
