Patay sa grabeng  tag-eamig sa Afghanistan umabot eon sa 124

 Umabot eon sa 124 katawo  ro namatay bangud sa grabeng tag-eamig   sa Afghanistan.

Suno sa mga opisyal it Taliban, nga gaabot eon man  sa 70,000 nga mga livestocks ro nasamad it pinakamaeamig nga   winter sa dekada.

Ginpahayag ni Acting Minister of Disaster Management Mullah Mohammad Abbas Akhund nga nalisadan sanda nga magpatigayon it  rescue bangud indi makahugpa ro andang rescue helicopters.

Kaabuan sa mga namatay hay mga mangunguma ag ro mga naga-istar sa maeayo nga lugar.

Samtang, ginaeauman nga madugangan pa ro numero  it  mga mamatay bangud sa maeamig nga klima.