Kalibo Aklan———Nag-abot eun sa 22 ro mga bangkay nga narekober sa natabo nga landslide sa Baybay City sa probinsya it Leyte kasunod it pagpanaeasa it bagyong si Agaton.
Ginakahadlokan man nga madugangan pa ro nasambitang numero samtang nagapadayun ro search and rescue operations maghalin sa mga baeay nga gin-eamon it paghubag it eugta.
Suno sa report it Bombo Radyo Tacloban maghalin sa datos it City Disaster Risk Reduction and Management Office (CDRRMO) ag Baybay PNP, ro 16 katawo nga namatay hay natumod sa bahin it Barangay Mailhi, samtang ro iba man hay narekober sa Barangay Kantagnos.
Ginpahayag nga ro iba sa mga namatay hay nailista sa Barangay Maypatag.
Mag-euwas kara, may iba pang mga naduea.
Antes kara, masobra man sa 100 pamilya ro ginbakwit maghalin sa nagkaeain eain nga mga lugar.
Nasayuran nga malisod makarun ro transportasyon paadto sa landslide area bangud may mga karsada nga indi maagyan.
Puspusan eun man ro pagtao it ayuda it Provincial Disaster Risk Reduction Management Office it Leyte kapareho it pagpadaea it dugang nga personalidad ag mga equipment.
