KALIBO, Aklan—Nasaksihan it publiko pinaagi sa online streaming ro pagpatigayon it sambilog sa mga aktibidad nga ginpahaum it lokal nga gobyerno agud nga mabatyagan sa gihapon ro kasadya it Kalibo Sto. Niño Ati-atihan Festial 2022.
Ro event hay gin-cover live it Bombo Radyo ag iba pang mga estasyon it radyo ag cable network sa Kalibo.
Gin-broadcast ro pagpatigayon it PATIK BATTLE of the ATI ATIHAN BANDS nga ginhiwat sa Magsaysay Park it livestream via social media platform agud nga malikawan ro pag angkon it audience ukon pagtipon-tipon nga posibleng maging super spreader event.
Ro festivities makaron hay virtual sa gihapon sa ikaywang dag-on bangud sa Covid-19 pandemic.
Gin-feature kara ro limang nagkaeain-eain nga ati-atihan group and tribes kun sa siin ro kada participants hay nagadimos it buling ag may costume.
Ro kada grupo ukon tribu nga naga-compete hay ginlimitahan eamang sa lima nga may miyembro nga indi magsobra sa 20.
Bawae kanda nga magbitbit it mga streamers nga may itsura ukon pangaean it pulitiko ag mga commercial companies.
Ro performance it grupo ukon mga drummers hay dapat nga magbuhay eamang it 10 to 15 minutes.
Nagtaeana it one-entry, one exit sa Magsaysay park agud nga mapatuman ro health and safety protocol partikular ro physical distancing.
