KALIBO, Aklan — “Music is the language of the soul.” Raya ro posibleng rason it mga ka-banda it 15-anyos nga si Jhuros Flores nga 5601 sa uman nga pagpatigayon it pagpatik sa maabot nga Marso 10, 2025 agud nga markahan ro anang ika-40 diyas nga pagka-eumos sa Aklan River nga sakop it Brgy. Polo, Banga ko nagtaliwan nga Enero 29 it makaron nga dag-on.
Ginasugid nga ro musika ro boses it atong kaeag, kun sa siin sa kada pagtukar, gusto naton nga makipag-angot ag ipaabot ro atong nabatyagan.
Masarangan kara nga magpabalik it mga handumanan ag makabulig sa mga tawo nga makabatyag it koneksyon sa iba ag sa andang kaugalingon.
Nasayuran nga hasta sa makaron hay nagapangasubo ro pamilya Flores ag ro anang mga ka-banda ag iba pang mga suod nga amigo ni Jhuros bangud sa anang pagkaduea nga nagapabilin nga misteryo sa tanan tuga it kawad-an it sabat kon siin eon ro anang ginakahimtangan.
Nauna kara, gin-anunsyo man it pamilya Flores nga bandang alas-3:00 it hapon sa Lunes, sa kaparehong petsa hay magapa-misa ro andang pamilya sa St. Joseph Spouse of the Blessed Virgin Mary Church sa Banga.
