KALIBO, Aklan—Uman nga nagpangibabaw ro sangka Aklanon Policewoman sa nagtapos nga qualifying exam it mga pulis.
Si Patrolwoman Francha Andrade it Aklan Police Provincial Office ro nag Top 2 sa kabilugan nga 437 ka mga pulis nga nagbuoe it nasambitan nga eksaminasiyon.
Madumduman nga si Patrolwoman Andrade hay naging Top 3 man sa nationwide rating it National Police Commission ukon NAPOLCOM exam sa anang tiyempo.
Samtang sa interbyu it Bombo Radyo Kalibo, ginpahayag ni Andrade nga ro pagpangamuyo ro anang naging alas agud nga makapasar sa anang mga ginabooe nga exam.
Gineaygayan pa kara ro mga inunga nga dapat eamang nga magpadayun ag magtinguha agud nga maabot ro andang handom.
Indi man sigon kinahangean nga maging maaeam agud maging professional apang dapat eamang nga maging bukas para magpamati sa iba ukon magpangutana kung may owa naintindihan.
