BORACAY News — Spotted sa Isla it Boracay ro couple nga sanday Paul Salas ag Mikee Quintos agud nga iselebrar ro andang first anniversary.
Sa sangka vlog, ginpakita ni Paul ro andang masadyang bakasyon ni Mikee sa isla, kun sa siin kaibahan sa andang naging aktibidad ro parasailing.
Apang bukon eamang it bakasyon ro natabu bangud nga may ginpahaum man gali nga sorpresa ro aktor para sa anang nobya.
Sangka romantic dinner date by the pool ro gin-obra ni Paul kun sa siin hay gintaw-an nana it bouquet of roses si Mikee ag gin-imbitahan nga maging date sa GMA gala.
Sangka matam-is nga yes man ro naging sabat ni Mikee ag ginhambae nga masadya imaw nga si Paul ro anang kaibahan.
Madumduman nga ko May 23 kat ginbulgar ni Paul nga ”dating” ro andang status ni Mikee.
