Kalibo Aklan ——–Plano makaron it Sugar Regulatory Administration nga panabaan ro interest rate sa credit program sa idaeum it Sugarcane Industry Development Act (SIDA) agud nga mabuligan ro mga mangunguma nga mapamayad ro andang produksyon.
Ginpahayag ni SRA administrator Hermenegildo Serafica nga nagproponer ro ahensiya ag ro Land Bank of the Philippines nga iduso ro Socialized Credit Program (SCP) Committee nga magapanaba sa interest rates halin sa presenteng 6.5 percent sa 3.5 percent interest eamang per annum agud nga masabat ro administrative costs.
Nagsumite man ro SRA sa SCP committee it proposal para sa accreditation it planters associations bilang loan conduits agud nga mag-ayos it mga pautang para sa small farmer members.
Sa idaeum it SIDA, ro credit program hay makaangkon it alokasyon nga 15 percent sa P2 billion pesos nga kada dag-on nga pondo ukon kapin sa P300 million pesos.
