NATIONAL News — Ginmanduan ni President Ferdinand Marcos Jr. ro Department of Education (DepEd) ag iba pang natungdan nga ahensiya it gobyerno nga magbaeay it nagakaigo nga preparasyon ag pagplano para sa pagbukas it face-to-face classes makaron nga dag-on.
Ro mandu hay gintaeana agud nga masabat ro mga isyu nga posibleng magtuhaw angot sa pagbalik sa eskwelahan it minilyon nga mga estudyante sa bilog nga nasyon para sa nagahilapit nga school year 2022-2023.
Sa sangka cabinet meeting sa Malacañang, ginbo-oe kara ro pahayag ni Vice President at Education Secretary Sara Duterte sa mga plano it DepEd agud nga masabat ro nagkaeain-eain nga hangkat kapareho it pag-angkon it bastante nga classrooms, manugturo ag iba pang concerns.
Ro iba pang problema nga namitlang it Presidente hay ro internet connectivity ag ro nagatinaas nga numero it kaso it COVID-19 sa nasyon tuga it pagtuhaw it mga bag-ong variants it coronavirus.
