Mahugot nga ginpamalibaran ni Pangueong Ferdinand Marcos Jr. ro mga akusasyon it korapsyon kontra kana ag ginpamilit nga uwa imaw it kaangtanan sa mga anomalya.
Uwa sigon it lohika ro pasibangud nga imaw ro una sa likod it mga animaliya bangud imaw man ro nagbulgar sa mga raya.
Ginhambae it Pangueo nga sangka “deep-seated system of corruption” ro nataeupangdan sa pilang flood control projects ag ginpamilit nga imaw ro nagpa-umpisa it mga imbestigasyon.
Kaibahan sigon sa mga tikang it anang administrasyon ro pag-freeze it mga account ag pagpatigayon it mga legal nga aksyon kontra sa mga imbolbado.
Suno pa kay Marcos, bukon pa it tapos ro kampanya it gobyerno kontra sa korapsyon bangud padayon pang nadidiskubre ro mga iregularidad, kaibahan ro mga proyektong nag-umpisa pa sa mga nagtaliwan nga administrasyon.
Ginpunto man nana nga uwa it naunang administrasyon ro nagpatigayon it kaparehong eawig it imbestigasyon ag pagpanabat sa mga responsable.
