Ginpangunahan ni Pangueong Ferdinand Marcos Jr. ro sangka pueong agud talakayon ag usisaon ro mga tikang it gobyerno kontra sa padayon nga epekto it El Niño sa suplay it pagkaon ag tubi, enerhiya, ikamayad nga eawas ag kaeowasan it publiko.
Ginpunto it presidente ro kinahang-eanon para sa madasig, koordinado, ag tayuyon nga paghueag it gobyerno kapin eon ag ginaeauman nga magapadayon sa mga masunod nga buean ro sangkiri nga pag-uean ag mas mainit nga panyempo kaysa nakasanayan.
Ginmanduan ni Pangueong Marcos Jr. ro mga natungdan nga ahensya nga padasigon ro pagkumpleto it mga proyekto para sa suplay it tubi ag pagpatuman it mga dugang nga tikang agud masolusyunan ro kakueangan.
Gin-apela man nana nga insigidang maitao ro kinahang-eanong bulig ag sa mga sektor nga apektado it El Niño, kamana man ro pagpalig-on it mga tikang sa pagtipid it tubi ag enerhiya ag pagtaeana it dugang nga pondo ag iba pang resources kon kinahang-eanon.
Nagpanawagan man ro presidente it mga tikang agud maprotektahan ro produksyon it agrikultura, masolusyunan ro kakueangan sa tubi, ag masiguro nga magpadayon nga uwa it distorbo ro mga serbisyong pang ikamayad nga eawas sa mga ospital ag iba pang pasilidad pangkeawasan.
