GInpahayag ni Philippine Ambassador to the United States Jose Manuel “Babes” Romualdez nga gusto ni Pangulong Ferdinand “Bongbong” Marcos Jr. Ro mas maabung aktibidad sa ekonomiya sa tunga it Pilipinas ag US sa idaeom it anang administrasyon.
Suno kay Romualdez, nakigpueong eon man raya kay Finance Secretary Benjamin Diokno may kaangtanan sa topiko, eabi eon gid sa pagboue it mas maabung pangitan-an maghalin sa US.
Ginpaathag ni Romualdez ro relasyon sa tunga itg Pilipinas ag US bilang “very stable and strong” bangud klaro sigon nga gusto it administrasyong Biden nga makigbuylog sa Marcos presidency.
Samtang , mataeopangdan nga ku nagtaliwan nga buean hay nakigpueong man ro Deputy Secretary of State it Estados Unidos nga si Wendy Sherman ag gintalakay kung paalin pabuskugon ro alyansa it Pilipinas ag US kung siin gintalakay man nanda ro ekonomiya, kinamatarong it sangka indibidwal, ag free Indo-Pacific region.
