Ginkumpirma it Malacañang nga nagbiyahe eon si Pangueong Ferdinand R. Marcos Jr., adlaw it Martes para sa anang tatlong adlaw nga working visit sa Singapore nga magabuhay hasta sa Hulyo 16. Suno kay Presidential Communications Office Undersecretary ag Palace Press Officer Claire Castro, nagbiyahe ro Pangueo sakay it RPP001 bandang alas-5:27 it hapon paagto sa Changi Airport.
Tuyo it pagbisita nga mas pa nga mapabaskog ro bilateral relations it Pilipinas ag Singapore, nga magiging masunod nga ASEAN Chair. Nakataeanang magpatigayon ro Pangueo it courtesy call kay Singapore Prime Minister Lawrence Wong agud nga talakayon ro kooperasyon sa patag it pagnegosyo ag investment, palibot, ikamayad nga eawas ag mga isyung pangrehiyon ag pangkalibutan.
Kaparte man it biyahe ro pagtambong ni Pangueong Marcos sa sangka roundtable discussion kaibahan ro mga business leaders sa Singapore. Pagahiwaton ro pueong kasunod it pagkilaea sa Pilipinas bilang sangka upper middle-income country.
