Nakataeana nga magtukod it sangka coconut hybrid seed farm ro Philippine Coconut Authority ukon PCA Aklan sa bulig it provincial government sa idaeom it hybridization program nga ginamando it laye.
Suno kay Mr. Noel Alvarez, provincial coconut manager it PCA Aklan, tuyo kara nga makaangkon it bastanteng supply it niyog ag inde eon mag-umang pa it mga semilya ro mga mangunguma nga andang inugtanom.
Angot kara, ko nagtaliwan nga regular session gin-aprubahan it sanggunuiang panlalawigan it Aklan ro resolusyon nga gina-authorize si Aklan governor Joen Miraflires nga magsueod it kontrata sa tunga it provincial govrenment ag PCA agud nga mag-establisar it proyekto nga igabutang sa Brgy. Castillo, Makato kon sa siin ro eogta hay ginapanag-iyahan it gobyerno probinsyal.
Raya hay pagatam-an it linibo nga niyog ag ro mga bunga eabi eon ro eahin hay igapanupod sa mga coconut farmers nga andang paga-umpisahan sa andang pagtanom.
