Kalibo Aklan ———–Bukon it pabor ro Philippine Chamber of Commerce and Industry (PCCI-Aklan) angot sa ginaproponer nga resolution it Chairman it Committee on Health nga si Kalibo Sangguniang Bayan Member Ketchie Luces nga nagatuyong himuon nga “rest day” ro kada adlaw it dominggo.
Suno kay Ramil Buncalan, dating presidente ag makarun hay board member it (PCCI -Aklan) nga grabe eun ro sakripisyo it mga negosyante umpisa pa nga nag-eupok ro coronavirus disease (COVID-19).
Dikara man hay apektado ro mental health ag spiritual life it mga pomoeuyo mas kapin ag ro dominggo hay adlaw it pagsimba ag pagrelax.
Ginpunto pa kara nga dapat hay obserbahan it mayad it mga opisyal ro ginaproponer nga resolution ag indi eamang magkopya-kopya sa kung ano man ro ginapatuman sa ibang kaiping nga banwa.
Madumduman nga nauna eun nga nagpaabot man it anang owa pagpabor si Mayor Emerson Lachica sa ginaproponer nga pagpatuman it “No movement Sunday” sa banwa it Kalibo.
