Kalibo Aklan———Ginakalipay makarun it mga grupo it business sector ro nakataeana nga pagduea it curfew sa bilog nga probinsya it Aklan umpisa hin-aga nga adlaw, petsa 1 it Marso matapos ro rekomendasyon it National Inter-Agency Task Force nga ipaidaeum eun ro probinsya sa Alert level 1.
Suno kay Mr. Jun Aguirre it Philippine Chamber of Commerce and Industry ukon PCCI-Aklan nga nagahueat eun lang sanda it igapaguwa nga Executive Order ni Aklan Governor Florencio Miraflores.
Target sigon nanda nga uman nga mabuhi ro ‘night life’ sa banwa it Kalibo nga mabuhay eun nga naduea bangud sa nagkaeain-eain nga restrictions tuga it COVID-19 pandemic.
May kaangtanan kara, nagaeaum man sigon sanda nga magderi-deritso ro pagpatuman it mas haeuga nga pagsinueondan para sa mas madasig nga pagbangon it ekonomiya.
