Gindayaw it Philippine Chamber of Commerce and Industry ukon PCCI-Aklan ro lokal nga gobyerno it Kalibo sa manami nga resulta it week-long celebration it Kalibo Sr. Sto. Niño Ati-Atihan Festival 2023.
Suno kay Mr. Ramil Buncalan, board of director it PCCI-Aklan nga sa pihak it sigidas nga pagbubo it uean hay namanehar it husto it bag-ong administrasyon sa pagpanguna ni Kalibo mayor Juris Sucro ro okasyon kon sa siin naipakita sigon it mga raya nga capable sanda nga magdumaea it makarundaya kabahoe nga event.
Sambilog sigon nga nataeopangdan nana nga nagdaea sa kadaeag-an it festival hay ro pagpatuman it safety measures sa pagpanguna it mga kapulisan kon sa siin naging kampante ro tanan para sa andang kaeowasan bangud nga visible ro mga kapulisan ag iba pang force multipliers nga sa oras it andang kinahang-ean hay madali sanda nga makit-an.
Mag-eowas kara, naging organisado man ro tanan eabi eon pag-abot sa street dancing competition it mga tribu ag grupo bangud nga maeayo ro andang naging ruta ag makit-an nga may espasyo ro mga tumaean-aw kon ikumpara sa mga nagtaliwan nga dinag-on.
Sa pihak kara, dapat sigon nga iimprove ro urinal ag dugangan pa gid kamana man istudyuhan it mayad ro pag-abot sa mga negosyo nga inde makatuga it road blocking eabi eon sa mga unang adlaw it selebrasyon.
Apang sa kabilugan sigon hay naging manami ag maayos ro outcome it kakatapos eamang nga Ati-Atihan Festival 2023.
