KALIBO, Aklan–Pabor ro grupo it mga negosyante sa isla it Boracay sa plano it sangka pribadong kumpanya nga nagadumaea makaron sa Godofredo P. Ramos Airport sa Caticlan, Malay nga pahugpaan it international flight sa nasambit nga paeoparan.
Suno kay PCCI Boracay consultant Elena Brugger, mas mayad ro nasambit nga plano bangud nga pamaagi sa raya nga tikang hay mamarket it husto ro turismo.
Accessibility sigon ro nagapangunang gusto it mga travelers rason nga kon posible eon ro international flight sa Caticlan airport hay may pilian eon ro mga turista.
Apang, nakadepende gihapon raya sa mga natungdan nga ahensya it gobyerno.
Nauna eon nga nagpaabot it sentemyento it pag-oponer ro gobyerno probinsyal sa plano it San Miguel Corporation nga magbukas it international flights halin sa Taiwan sa nasambit nga paeoparan.
Raya hay bangud nga bukon it sueod sa standard ro paeoparan kamana man ro andang kontrata ag kasugtanan sa tunga it gobyerno hay domestic flights eamang ro iga-cater sa nasambitang paeoparan.
