Gin-lift eon it Philippine Coast Guard ukon PCG Aklan ro suspension sa pagbyahe it sakayang pandagat maghalin sa Caticlan Port paadto it Romblon.
Mag-eowas kara, ginpasugtan eon man ro mga sea sports activities sa isla it Boracay apang sa likod nga porsyon pa eamang it isla.
Suno kay Sr. Chief Petty Officer Dominador Salvino, Deputy Station Commander for Operation it PCG Aklan nga naghagan-hagan eon ro baeod sa kaeawran rason nga ginpasugtan eon ro pagbyahe it sakayang pandagat paadto sa nasambit nga probinsya.
Apang, uwa pa ginpasugtan ro mga water sports activities sa front beach bangud sa mabaskog nga baeod ag hangin nga naeksperyensyahan daea it Habagat nga ginhatak it Bagyong Betty.
Sa makaron suno kay Salvino hay nagapabilin nga normal ro byahe it mga motorbanca patabok sa isla it Boracay vice versa.
