KALIBO, Aklan—Ginaeauman it Philippine Coast Guard nga uman nga magabuhos ro mga pasahero makaron nga weekend bangud sa extended nga bakasyon ko pista minatay.
Suno kay Senior Chief Petty Officer Dominador Salvino, deputy commander for operation it PCG-Aklan nga base sa andang monitoring, kaeabanan sa andang nailista makaron hay mga outbound passengers kasunod it amat-amat nga pag uli sa andang natungdan nga mga probinsiya it mga biyehero.
Ginpahayag dugang nga nagapabilin sanda nga naka-heightened alert hasta sa Nobyembre 6 agud nga maalalayan ro pagdagsa it mga pasahero.
Samtang, sa pagdumdum sa pista minatay, kabilugan suno kana nga matawhay sa andang area of responsibility matapos nga owa it anuman nga nailistang maritime incident.
Padumdum nana nga sundon eamang ro andang ginapatuman nga sea travel protocols and regulations agud nga malikawan ro aberya.