-- ADVERTISEMENT --
KALIBO, Aklan—Temporaryong ginkansela it Philippine Coastguard ukon PCG-Aklan ro byahe it mga motorbanca ag mga saeakyang pandagat nga may byaheng paadto it Batangas, Mindoro, ag Romblon.
Apang, ro motorbanca maghalin sa Caticlan Jetty Port paadto sa Isla it Boracay vice versa hay bukon it epektado.
Suno kay PO2 Jerry Tehowrango it PCG-Aklan nga ro nasambitan nga tikang hay kasunod it ginpagguwa kahapon nga advisory it PAGASA kung sa siin nakataas ro tropical cyclone wind signal number 1 sa Batangas, Occidental Mindoro, Oriental Mindoro ag Romblon.
Sa makarun hay padayun pa ro andang monitoring sa masunod nga advisory it PAG-ASA.
Sa pihak kara, nagaeaum ro andang taeatapan nga makabalik eun sa normal ro operasyon it mga saeakyang pandagat.
-- ADVERTISEMENT --
