KALIBO, Aklan—Temporaryong ginkansela ro biyahe it mga barko maghalin sa Caticlan Jetty Port paadto sa mga lugar nga ginpaidaeum sa tropical cyclone wind signal number 1 partikular sa bahin it Mindoro, romblon, ag batangas ag vice versa.
Suno kay Dominador Salvino, Deputy Station Commander for operations it Philppine Coast Guard ukon PCG-Aklan nga ro nasambitan nga tikang hay agud nga malikawan ro nagkaeain eain nga insidente sa eawod.
Samtang, owa man it epekto ro biyahe it mga barko maghalin saIsla it Boracay patabok sa caticlan ag vice versa.
May kaangtanana kara, uman nga nagpadumdom ro PCG-Aklan sa mga coastal communities nga maghaeong agud malikawan ro nagkaeain eain nga insidente tuga it maeain nga paniyempo kasunod it na-eksperyensiyahan makarun nga Tropical Depression “Jolina”.
