Ginbulgar it Philippine Coast Guard nga pangaywang beses eon natabo nga gintutukan sanda it makabueulag nga laser light it Chinese vessel para pahalinon ro Philippine Coast Guard vessel sa may West Philippine Sea.
Suno kay Commodore Jay Tarriela, PCG adviser it Commandant for maritime security, una eon nga gintutukan it blue laser light it People’s Liberation Army Navy ukon PLAN vessel it China ro tugboat it PCG nga BRP Habagat ko nagtaliwan nga Hunyo 2022 samtang nagapatigayon sa Panata island sa Kalayaan Island Group (Spratly Islands) kung siin na-expose ro mga personnel it PCG sa blue laser light it 20 minuto nga nagtuga it temporary blindness ag pagpangatoe it andang panit.
Waeong buean ro nakataliwan kat matabo ro pangaywang insidente ko Pebrero 6 kung siin uman nga gintutukan it military-grade green laser ro BRP Malapascua mat-a sa may Ayungin Shoal sa WPS.
