KALIBO, Aklan—Ginpasiguro it Philippine Coast Guard PCG-Aklan ro hugut nga pagbantay sa seguridad it mga nagasueod ag nagaguwa nga biyahero sa mga pantalan it probinsiya kadungan sa pagbutang kanda sa heightened alert umpisa ko March 23 nga magabuhay hasta sa April 1 para sa Oplan Biyaheng Ayos: Semana Santa 2024 it Department of Transportation.
Suno kay Coast Guard Ensign Eulogio Quinto, deputy station commander for administration it PCG-Aklan nga nakadeploy eon ro andang mga tawuhan para sa bilog nga tiempo it Holy Week.
Mag-eowas sa pagtukod it mga passenger assistance center, may gindeploy man sanda nga mga floating assets agud nga magpatigayon it seaborne patrol, maritime patrol, ag coastal security patrol operation agud nga insigida nga maka-alalay kun kinahangeanon ag masiguro ro kaeowasan it tanan nga mga pantalan sa bilog nga Aklan.
Samtang, nagtaeana man sanda it mga baywalk personnel nga maga-ronda sa mga baybayon it isla it boracay agud nga bantayan ro mga turista.