Magalunsar ro Philippine Coast Guard (PCG) it sarili karang maritime domain awareness (MDA) flights sa mga nagapangunang lugar sa West Philippine Sea (WPS) par ipamilit ro mga kinamatarong sa teritoryo it nasyon.
Suno kay PCG spokesperson Commodore Jay Tarriela, magapatigayon sanda it MDA flight halin Pangasinan hasta Zambales.
Ginpamilit man ni Tarriela nga ro mga regular nga flight ngara hay uman nga nagapatibay sa exclusive economic zone (EEZ) it Pilipinas.
Ro anunsyo ngara hay matapos magpatigayon it “dangerous” maneuvers ro sangka Chinese military helicopter sa Bajo de Masinloc.
Samtang, presenteng ginasubaybayan it PCG ro barko it China Coast Guard (CCG) 5303 80 nautical miles sa guwa it Bolinao, Pangasinan. Samtang, nasapwan ro CCG vessels 3301 ag 3105 sa guwa it Zambales.
