KALIBO, Aklan —- Nag apela ro Philippine Coast Guard (PCG)-Aklan sa tanan nga mga mariners nga naga-eayag sa katubian nga sakop it Aklan nga insigidang ipahisayod kanda engkaso nga may maispatan ukon palatandaan it naduea nga pasahero nga sangka eaeaki nga ginasugid nga nahueog sa dagat sa parte it Buruanga, Aklan ko Enero 29, 2025.
Sa ginpaguwa nga abiso it PCG, si Gene Boy Malipaonon, 48 anyos it Brgy. Tambo, Ayongon, Negros Oriental hay nahueog halin sa ginasakyan nga barko nga MV St. Michael The Archangel samtang nga nagabiyahe.
Hinyu nanda sa mga barkong naga-agi sa lugar kaibahan ro iba pang saeakyang pandagat ag mga mangingisda nga mag bulig sa andang pagtinguha nga mausoy ro nasambit nga pasahero.
Makipag-angot eamang sigon kanda ukon sa pinakamaeapit nga Coast Guard Unit ukon pwede man nga magtawag sa numero 0961-420-2756.
