Nagpang-harana ro mga katapo it Coast Guard Station Aklan kaibahan ro Coast Guard Sub-Station Boracay ag Coast Guard Sub-Station Malay sa Cagban Port, Boracay Island, Malay, Aklan kahapon, adlaw it Byernes, Pebrero 14.
Kadungan it pagselebrar sa adlaw it tagipusuon, nagpatigayon it traditional Filipino serenade ukon pag pang-harana ro Philippine Coast Guar (PCG) sa mga boat passengers ag mga dumueuong nga napiling mag-selebrar it Valentine’s Day sa isla it Boracay.
Raya hay andang pamaagi para magdaea it kasadyahan ag mag pabatyag it pagpalangga sa mga pamueuyo.
Bilang isaea ka-nagapangunang destinasyon sa bilog nga kalibutan, mas naging magical ro pagbisita it mga dumueuong sa isla bangud sa ginhimo it mga katapo it PCG nga pag-greet sa mga bisita gamit ro musika ag pati eon man ro pag-tao it bueak kanda.
Raya nga klaseng aktibidad hay bukon eamang nagapakita it commitment nanda sa kaeuwasan ag seguridad kundi pati eon man ro andang tikang sa pagpeapta it kasadyahan ag pagpalangga bukon eamang para sa mga dumueuong kundi pati eon man sa mga lokal nga pamueuyo it lugar.
