Nag-react si Philippine Coast Guard (PCG) Spokesperson for the West Philippine Sea (WPS) Rear Admiral Jay Tarriela sa pahayag ni Sen. Robin Padilla angot sa kontrobersiyal nga Artificial Intelligence (AI) generated video it Chinese state-media nga nagakabig sa mga Pilipino nga mga amo.
Suno kay Tarriela, bukon it wartime propaganda ro andang transparency nga tuyo eamang ipakita sa publiko ro ginahimo nga pagpangha-harass it China eabi eon sa mga Pilipinong mangingisda ag mga barko it PCG ag Bureau of Fisheries and Aquatic Resources (BFAR).
Owa sigon sanda nagahimo it mga insidente kundi gina-dokumento eamang raya.
Nagapati man si Tarriela nga insulto para sa masobra 26 million nga nagboto kay Padilla ro pagbaton it senador sa pagkabig sa mga Pilipino bilang mga amo.
Ginpahayag pa ni Tarriela nga maskin hin-uno hay indi nana pagabatunon nga amo ro atong lahi ag ro matuod sigon nga pag-respeto sa atong lahi hay depensahan raya ag indi pagbatunon ro pagpang-insulto.
